「我係小器㗎，點解要影相？」
Rosemary母女當尹婉媚透明

法國護髮品牌卡詩前晚於中環花園道HelenaMay舉行「鬈曲髮之藝術」活動，即場有曲髮造型示範，但卻被已反目的Rosemary母女及尹婉媚搶盡風頭。Rosemary母親Julie依然企硬不肯和尹婉媚合照，更直認自己小器，並說肯合照亦不代表大方。

護髮品牌卡詩前晚在中環花園道HelenaMay舉行「鬈曲髮之藝術」活動，請來城中八位女士包括趙世曾的千金趙式芝、郭錦恩、李嘉慧、丘凱敏、簡張玉霞、陳沛嘉、何卓妍及梁鄭秀敏示範不同風格的曲髮，各有美態和魅力。
但前晚全場焦點卻落在擔任特別嘉賓的Rosemary和其母Julie身上，皆因一度與Rosemary上契，結果反目收場的尹婉媚亦有出席活動，Julie近年一直與尹婉媚劃清界線，前晚更企硬不肯合照。

拍照要問准母親
問尹婉媚是否介意與Rosemary母女合照？她說：「我冇所謂，又冇害人全家，又唔係佢殺父仇人。」記者隨即問Rosemary的意願，她面有難色說：「等陣先啦。」問她是否要問准母親？Rosemary直認不諱。
問Julie是否願意與尹婉媚合照，Julie即說：「點解要影相呀？唔好搞埋啲咁尷尬嘅嘢啦，Rosemary係嘉賓身份，佢唔想搶人風頭，唔通影咗相就叫好大方咩？」

胎兒性別有得賭
Julie續說：「我係小器㗎，係原則上嘅小器，我唔想影咗相又有風波，細路仔嘅事由大人決定，唔應該搞啲細路，多一事不如少一事。我唔介意做醜人，反正都做咗咁耐。」結果三人合照始終影不成，最後尹婉媚更先行離場。
此外，有份示範曲髮的郭錦恩現有四個月身孕，她表示重了二十磅，連上圍也由三十四吋增至三十六吋，要重新購買內衣，她說：「我啲朋友開盤話我今胎生女，佢哋話我個身向橫發展，連腰都冇埋。我擔心如果生女似爹哋，係個大鼻妹就慘啦。」