「特區政府施政十件大事」評選噚日舉行頒獎禮，唔知係咪老天有心諷刺政府施政嘅「成績」，抽中獲得一等獎嘅投票者，係失業一年幾嘅馮明嬌女士。馮女士就話多得失業，有多啲時間留意新聞，先至選得中十件大事，主禮嘅煲呔曾聽咗唔知有乜嘢感受。
二○○二十大施政事件首位，竟然係《基本法》二十三條立法諮詢，其餘重有孫九招、立法減公務員薪酬、三管齊下解決財赤等。
公務員減薪問題喺頒獎完後重有續聞，煲呔離開時，嘉賓之一嘅政府人員協會主席陳志光，追住佢請願，要求分階段減薪，可笑嘅係呢邊廂煲呔向陳志光大派定心丸，話會考慮，嗰邊廂中華廠商會會長陳永棋，就斬釘截鐵同記者話唔贊成分段減薪。
（圖）失業一年嘅馮明嬌（左）贏得萬元鑽表，煲呔頒獎時都忍唔住睇真啲隻表有幾名貴。中為中聯辦副主任王鳳超。
傳真︰2623-9278
電郵︰