奧斯卡得獎電影《有你終生美麗》真人版主角JohnNash約翰．納殊教授應邀來港，噚日喺港大講學，四個講堂坐滿千幾名師生。估唔到呢位傳奇學者，連名媛界都吸引到，到場一睹佢風采。
才女林燕妮揸筆搵食，特登買咗支限量版靚筆，JohnNash講學之後，佢一個箭步衝上台，要教授幫佢簽名，又學足電影情節，將支筆送畀教授，點知教授話無功不受祿，唔願收禮物，兩人擾攘一輪，由副校長程介明出聲叫教授收咗佢，林燕妮先滿意放走教授。
林小姐咁熱情，寶Baby好朋友廖碧欣就低調得多，八方見佢聽完講學，就急急腳走人，廖碧欣本身係律師，點解對博奕論咁有興趣呢？定係睇完套戲，想見識吓真人版？
（圖）林燕妮噚日把握機會，學《有你終生美麗》中啲大學教授，送Parker筆畀JohnNash。
傳真︰2623-9278
電郵︰