投資推廣署署長盧維思講嘢一向鬼馬，噚日同香港中國企業協會合辦嘅春節酒會，佢喺台上講完一輪官式發言之後，最後叫大家「Eatanddrinkasmuchasyoucan（請大家食得幾多得幾多）。」點解？佢話因為呢餐係香港政府畀錢，如果食剩嘢會俾審計署轟佢。
今時真係唔同往日，以往政府官員要扮中立，同商界劃清界線，做官嘅盡量避免去商界酒會。但係自從董建華做咗「酒會王」之後，各大小官員一晚都要跑幾場。今年，投資推廣署主動出擊，逐個與不同國家駐港商界搞聯誼酒會，噚晚已經係第五場，唔知審計署會唔會計吓數，港府出錢出力搞酒會，是否合乎經濟效益？
（圖）負責中資機構嘅中聯辦副主任劉山在（右）第一次見盧維思（左），攞住佢嘅卡片研究一番。
傳真︰2623-9278
電郵︰