今屆電影金像獎昨日公布提名名單，《無間道》不負眾望，以十六項提名，成為大熱門，同樣黃秋生的風頭亦是一時無兩，雖然他並無入圍角逐影帝，但卻以三部影片同時角逐最佳男配角，認真厲害。
將定於四月六日在文化中心舉行的「第二十二屆香港電影金像獎頒獎典禮」，提名名單已於昨日在尖沙嘴舉行的記者會上公布，出席者包括香港電影金像獎協會主席張同祖、曾志偉、羅蘭、爾冬陞、陳果等。
勁收近五千多萬票房、由劉德華、梁朝偉等主演的《無間道》，一如所料以大熱姿態獲得十六項提名，張藝謀執導的《英雄》亦不遑多讓，有十四項提名，而黎明主演的《三更之回家》十項提名僅次其後（詳見附表）。
今屆金像獎勢將成為《無》片及《英》片相爭的天下，其中偉仔與華仔雙雙角逐金像影帝，他們的對手，尚有梁家輝、張國榮及黎明。而在《無間道》有份演出的杜汶澤、黃秋生及曾志偉三人亦雄踞了男配角候選位置，而秋生更憑三部電影提名「最佳男配角」，風頭一時無兩。
幾位候選影帝獲悉入圍均感光榮，黃秋生昨日說：「我好開心，因為我有三個提名，相信會分散票源，我話反而機會冇咁大。三套戲嘅演出，我比較喜歡《想飛》。」
黎明說：「之前喺金馬攞過影帝，唔可以講信心大咗，有機會提名已經好開心，其他對手都係影帝，自己加入影帝行列都只係三個幾月，邊個攞都咁開心。」劉德華則說：「冇大期望，部戲有咁多提名，證明係大家努力嘅成果，邊個攞獎都開心，今次都算係我拍戲以嚟獲最多提名嘅一部戲。」
而張國榮亦謂：「好開心，對手個個都係好朋友，邊個攞都好，當然自己攞就更開心啦！」
梁家輝則說：「再有機會提名好興奮，不過對手太強，實力平均，但都唔敢有太大期望。」
至於大熱梁朝偉則表示：「未睇過對手張國榮同梁家輝嘅戲，會買碟睇番，對手好平均，入得圍我都有信心㗎！影后我就睇好王菲同張曼玉。」
獲提名影后的王菲昨日說：「入圍好意外，但冇壓力，偉仔睇好我就當然啦！我同佢合作過嘛。」吳君如則表示：「除咗我之外，連好友田蕊妮同陳可辛都有份提名，如果陳可辛攞獎我會重開心。」
採訪：魯萍
攝影：仇志德
