梁詠琪（GiGi）將於下月十四日起，一連三日在紅館舉行個人演唱會，她昨日出席記者會，穿上由SalvatoreFerragamo贊助的十五萬露背絲巾裙，不過由於設計師早於半年前為GiGi度身，如今GiGi消瘦了，故此有點不合身。
梁詠琪下月將會舉行個人演唱會，她昨日在黃埔海逸酒店舉行記者會，並以行catwalk形式，由兩名女模特兒陪伴出場。GiGi穿上一條價值十五萬的SalvatoreFerragamo露背裙，但由於她太瘦，裙子下滑，背部露出了白色內衣邊。
GiGi昨日公開感激SalvatoreFerragamo，原因是該品牌亦有贊助GiGi去年的演唱會，為她提供服裝，而今次這條裙更是特別為GiGi設計，在半年前已度身，暫時只有一條。GiGi說：「我全身有三十條絲巾，不過估唔到半年前度身，𠵱家着起至知原來我瘦咗咁多，我都怕條裙會甩，所以要做足安全措施。」
而GiGi今次演唱會除了有大量靚衫外，她還會嘗試跳肚皮舞及彈結他，GiGi苦笑說：「我扭到唔知個胃定係條腸痛，每日都要練五個鐘，睇吓點樣可以扭得靚啲。」
GiGi還笑言要致電鄺美雲請教她如何練成「S腰」，問到GiGi可有試跳給男友鄭伊健看，她說：「冇呀，我練舞都要清場啦，因為喺人哋面前扭好尷尬，唔知點咁，所以淨係得我同排舞老師，等我過咗自己嗰關，先畀其他人睇，不過老師都話我有啲潛質。」
採訪：胡比
攝影：仇志德
