農曆年過後，唔少車行正進行2002年車減價清貨行動；其中，亞Mark聽聞英國越野路華代理，手上重有少量五門豪華版Freelander，並由原來接近26萬嘅賣價，減到家陣唔使20萬，以一台2.5公升V6偈匹配5前速半自動波，又有全車皮椅等裝備，若然係四驅SUV嘅發燒友，就真係唔好錯過今趟買車嘅機會喇！
另外，德國歐寶代理現正以特高收車價，優惠購買Omega同Astra現貨嘅準車主，若然想升格揸歐洲房車、又想有人以高價幫你收咗部舊車的話，就真係不妨考慮吓喇！事關城市人公務繁忙，買車賣車都要省時間嘛！