馬來西亞糖王郭鶴年認真失威，點解？
八方噚日睇到中央社引述馬來西亞《商業雜誌》一年一度公布嘅大馬四十富豪榜，郭鶴年竟然無法蟬聯「大馬最有錢的人」呢個稱號，跌至第二位。
邊個取代佢老人家？原來係馬來西亞人阿南達克利斯南，佢係一位做電子通訊、博彩同娛樂業嘅巨子，擁有一百八十億港元身家，比郭氏略多十五億。
不過，喺大馬十大富豪之內，華人仍然佔咗七個席位，包括第三位嘅國浩主席郭令燦、第四位嘅賭王林梧桐、第五位嘅大眾銀行鄭鴻標、第六位嘅明報企業主席張曉卿、第八位嘅麗星郵輪主席林國泰（林梧桐之子）同第九位嘅李深靜等。
最有趣嘅係，除咗李深靜之外，其他人都同香港有關。
傳真︰2623-9278
電郵︰