市民對立法會議員印象有幾深？香港大學《民意網站》自二○○○年立法會改選後，進行咗十次十大立法會議員評分調查，最新一次調查結果發現，經常為打工仔出力嘅嫻姐陳婉嫻、立法會主席范徐麗泰同莎姐周梁淑怡，獲得最多市民支持。
其餘入選十大嘅議員重有李卓人、劉慧卿、司徒華、李柱銘、田北俊、黃宏發同曾鈺成。較為令人意外嘅係上次名列第一嘅石哥劉千石，今次跌出十大，變咗「十三少」，可能同佢近排比較低調有關。
其實，喺過去十次調查中，有啲議員就次次都入圍十大。負責調查嘅港大民意計劃調查主任鍾庭耀就話，過去咁多次調查帶嚟兩個有趣結果：第一係勞工領袖經常名列前茅，石哥同嫻姐就係代表人物；第二係十大議員來自好多唔同政黨，香港市民對唔同政黨有好大包容性。
傳真︰2623-9278
電郵︰