九人女子組合Cookies、李克勤、鄭中基、張可頤和江華等，昨日齊往尖沙嘴美麗華酒店，出席《加港星輝耀頤康》記者招待會，該節目將於本周六舉行。司儀昨日宣布當晚除有一班歌星表演唱歌籌款之外，Cookies更加會賣吻籌款。
事後Cookies隊長Stephy說：「頭先我哋喺台上印啲唇印啫！同埋我哋當晚會唱《給我一個吻》，賣吻都係司儀講吓笑，呢啲嘢畀幾多錢都唔好啦！」
此外，李克勤昨日表示與譚詠麟合作的演唱會，將於四月四日至八日在紅館加場演出，而有份贊助其演唱會的伯爵表近日更特別送了一對結婚戒指給他，克勤說：「我已經同佢哋講其實我冇咁快結婚，不過我都收咗先，到時結婚都可以再送畀我㗎！」
採訪：卓美娟 攝影：何國豪
