科網泡沫雖已爆破，但科技研究工作冇停止，八方噚日出席嘅第五屆資訊科技卓越成就獎頒獎禮，就係鼓勵中小企投資科研嘅比賽。
今年嘅結果係更多中小企得獎，應用金獎由網豐物流資訊嘅倉儲管理系統奪得；產品金獎得主就係Outblaze嘅訊息處理系統；專為中小企而設嘅產品金獎由只有五名員工嘅日榮電腦科技獲得。大家可能唔認識呢間小公司，同埋佢哋得獎嘅產品「多語言搜索引擎同內容管理系統」，但唔重要，起碼日榮兼奪首次設立嘅數碼港大獎，由工商及科技局贊助佢哋免費租用數碼港寫字樓樓面一年，重係由唐英年局長頒獎，起碼有一個好嘅開始。
工商及科技局重贊助今屆同上屆嘅金獎得主五名，喺今年三月前去德國參加資訊科技界嘅展覽盛事CEBIT，顯示佢哋支持中小企嘅工作做得唔錯。
傳真︰2623-9278
電郵︰