近排去東門蒲，發覺多咗唔少新舖，其中南塘商場嘅新舖就明顯多咗，以自家設計服裝為賣點嘅蘭桂坊都喺呢度開其第三間分店。新店貨品同樣以自家設計嘅款式為主，不過唔再玩PunkLook而改玩維多利亞式設計，衫款走斯文路線，每款只得幾件。
記者：黃希知 攝影：林鑑琛
今次老闆Kitty為新店設計咗唔少以粉紅色為主嘅衫款，呢款勁有維多利亞Feel嘅恤衫，以絨布配合喱士花邊，款式斯文帶少女味！
我個人較喜歡簡約的衫款，所以我揀咗呢件一字領棉質T恤，中袖設計加心口一大個十字架圖案，腳位再綁一個大結，款式夠型。
呢款搞鬼毛毛手銬，手銬套上粉紫色毛毛後變得香豔又得意，扣喺皮帶度用嚟襯衫夠晒盞鬼，想再有型有格可以揀全銀色的一款，掛起十足十陀槍師姐。
地址：東門步行街南塘商業廣場B2層
營業時間：中午12時至晚上9時