台灣光華文化中心同中華旅行社噚日舉行春茗，賭王何鴻燊（圖中）一到場，就同首次見面嘅光華新主任路平（圖右）齊齊合照，重讚路主任「好大方」。特首妹妹金董建平、楊森同蔡素玉有到，但唔見專責港台事務嘅林瑞麟。
張良任話佢唔可以透露同港府官員嘅會面內容，因為同港府有言在先。台灣人員同港府官員見吓面都好似做賊咁偷偷摸摸，唔怪得台灣出生嘅中大校長金耀基喺酒會發言時，罕有地大發牢騷，問點解港台之間嘅路咁崎嶇不平。
路平就冇咁勞氣，佢好開心咁同記者大講三月入伙嘅山頂新居，話自己要求唔高，清靜、望到海、有兩間房就夠。
司徒世華攝
（圖）啱啱識，唔多熟！
傳真︰2623-9278
電郵︰