好多闊太都怕去Ball同人撞衫，喺深圳不少有錢人亦怕出現這種尷尬情況，所以度身訂做的服裝店亦不乏捧場客，好似這間位於西武百貨內的FANCIEYE便是度身做衫的專門店，店內展出的款式及布料全是歐洲名牌，極具貴氣。
記者：歐嘉荃
攝影：Manny
ImageGirl：Marcella
講真喺呢度做衫的人全是非富則貴，做一件衫連布料由一萬五千至三萬元人民幣不等，老闆劉先生說：「我哋嘅客路多是政界、演藝界的人，好多時我哋都要派裁縫到佢哋屋企畀客人揀衫款，然後再幫佢哋度身，大約7日後就可以試身，試完身後再過7日就完工。」我就自問無資格喺度做衫，惟有睇睇做衫的全個過程。
店內有大量歐洲裁縫書，牌子有ErmenegildoZegna、TissusMondeParis等，客人可逐本逐本慢慢睇，揀自己嘅心水衫款。而老闆話由於每款布全球只有4疋，好多時啲客揀完衫款後都要CheckCheck重有冇布料，所以佢哋通常都會要求客人揀3個衫款，以備不時之需。
揀完款後，店員就會幫客人度身，若果店內有該疋布料，店員還會拿出布疋畀客人睇，若店內無該布疋的話，便需打回公司Check存貨，大約2個星期裁縫便可將衫完成，店員還會免費將衫郵寄給客人。
店內陳列了很多名貴的衣料，好似這疋Scabal的西裝料，用了2/200的絲製成，價錢比Cashmere貴十倍，而且每次只生產4噸布料，極之罕有，每盒布料只可做一套西裝，價錢大約三萬八元人民幣。
FANCIEYE
地址：深圳深南中路1095號中信城市廣場西武百貨2014號店
電話：（86）75525941158