美伊戰事睇嚟無可避免，香港電台噚日都搞咗個戰爭與和平論壇，出席嘅係三十五個小學生。細路仔平日嬉皮笑臉，估唔到討論世界大事，都頭頭是道。
「美國佬唔係國際警察，係國際山賊至真！」就讀小學六年級嘅何洸毅同八方講，其實美國今次出兵伊拉克係為石油，唔係為公義。何同學重話美國就好似古時嘅山賊，專「蝦」啲弱勢社群。另一位陳志華同學又批評美國出兵，就好似「細路仔玩曱甴咁，又要驚，又要玩。」
不過學生當中亦不乏好戰之徒，讀五年級嘅婁啟彤同八方講，如果美國今次出兵攻打伊拉克，死亡人數唔超過十萬人，都值得一戰。婁同學話戰爭可以令世界統一，以後就唔會再有戰爭發生，咁先有永久和平喎。
傳真︰2623-9278
電郵︰