5.1家庭影院套裝已逐漸普及，國產牌子質素一般，不過勝在夠平，二千零蚊已經執到一套過吓癮。若有較多預算嘅話，不妨考慮買套好啲嘅，就如TEAC新出呢套PL-D2200，除兼容DVD及VCD外，連用電腦DIY嘅MP3光碟都對應，唔睇戲都可以聽歌輕鬆吓。PL-D2200有齊大路嘅AC-3及dts音效解碼晶片，連最近嘅ProLogicII都對應，就算只得兩聲道嘅經典舊片都可以5.1喇叭輸出，臨場感當然大大提高。五個衞星喇叭約3.5”高，細細隻夠慳位之餘，都有50W輸出功率，而重低音則有8"高，輸出功率更達100W，最適合書房或家居面積不大嘅環境。輸出插頭方面，有齊色差、S-Video及普通「蓮花插」AV頭，而音效輸出則有光纖及同軸。PL-D2200賣價$3,380唔算太平，不過以質素嚟計尚算值回票價，加上全套機以銀色設計，Cyber得嚟亦好有品味，唔似一般平價機咁普通，當係家居裝飾品都不為過。
記者：徐影龍
$3,380
大昌電器
查詢電話：22621650