護膚品牌Neutrogena大後天將舉行「NeuFace2003」頒獎活動，五位得獎人包括時裝店Ztampz老闆羅可旋、霍啟剛女友盧恬兒、時裝設計師郭翠華、金朝陽集團行政總裁陳慧苓及李鵬飛的千金李嘉琪。其中從商的羅可旋表示得父親傳授在商界打滾的秘技，便是勤閱《三國演義》，對做生意攻防之術甚有幫助。
護膚品牌Neutrogena大後天舉行「NeuFace2003」頒獎活動，今年的主題是積極新態度，五位「NeuFace」人選均是在社交界中事業有成、智慧兼備的女性，包括Bossini太子女兼時裝店Ztampz老闆羅可旋、現於SportCityandLaVita擔任顧問的霍啟剛女友盧恬兒、時裝設計師郭翠華、金朝陽集團行政總裁陳慧苓及全國人大港區代表李鵬飛的千金、現於香港貿易發展局擔任副經理的李嘉琪。
五位得獎人從事不同行業，對積極新態度亦有不同看法與體會。羅可旋不開心時會閱讀書籍《心靈雞湯》，她昨日接受電話訪問時說：「爹哋重叫我睇《三國演義》，佢話對做生意嘅攻防術會有幫助。我有興趣代理日本時裝，發覺英文唔係最能同日本人溝通，我準備咗學日文啦！」
李嘉琪剛結婚一年，她表示積極新態度是開心樂觀地面對每一天，她在電話中說：「結咗婚後，體會到男女睇法係唔同嘅，有好多生活上嘅細節，好似教菲傭做嘢咁，都係喺老公身上學番嚟。」
而另一位得獎人是畢業於紐約名校ParsonsSchoolofDesign的郭翠華，她擁有個人品牌Ranee_K外，更是品牌上海灘的設計組員之一，她表示十分認同積極新態度這個說法，她說：「做嘢積極可以影響身邊嘅人，好似我好enjoy工作，一個禮拜返七日工都唔覺得辛苦。我重有個習慣，每晚臨瞓前擺片檸檬落樽礦泉水度，第二朝就飲晒成樽水，咁樣個人就會好精神。重有，如果發覺塊面有印就會去藥材舖買白果，整碎佢嚟敷面，好有效㗎。」
陳慧苓則表示做人積極是她的個性，遇上不開心的事，她不會選擇大哭或瘋狂購物，她說：「我會選擇盡快忘記佢，我又會不斷自我增值，好似我兩年前讀完MBA，跟住就即刻學普通話，然後學日文，遲啲我重會學瑜伽㖭。」
