我最鍾意返深圳覓食，任何地方菜式都可以喺深圳食到，最近我啲朋友就帶我去一間專食淮揚菜的食肆，店內大部份的材料均由淮揚一帶空運而來，每星期兩次，保證新鮮之餘，又確保客人能食到最正宗的淮揚風味。
記者：辛汀
攝影：韋信
這道屬於南京名菜的鹽水鴨，亦名桂花鴨，是店內的招牌菜。雖然這道鹽水鴨是由南京空運而來，並非大廚親手炮製，但大廚對這道菜的要求亦十分嚴格，每隻鴨要重一斤八両，無多無少，大廚話這個重量的鴨，肉質先至最靚最滑，而且必須要選用桂花牌的鹽水鴨，因為桂花牌所炮製的鹽水鴨才算正宗。這道鹽水鴨有點兒似潮州的滷水鴨，肉質嫩滑，皮白帶有少少肥膏，入口鬆化，我覺得較潮州滷水鴨更好味。
紅燒獅子頭(後)?28
蘆蒿是淮揚獨有的野菜，通常生長在臨水沼澤地，味道清脆爽口，大廚為了保留蘆蒿原有的甜味，特別以清炒的方式烹調，食落口有淡淡的清甜，極具特色。至於獅子頭則用混有馬蹄碎的免治豬肉製成，大廚用特製的配方炮製，較平日所食的獅子頭有點不同，入口不肥不膩，肉汁不乾不溢，食落口恰到好處。
樣子紅彤彤、細細粒的洋花蘿蔔是江蘇特產，大廚話這款洋花蘿蔔毌須烹調，只要去葉、切頭切尾便可食用，食時伴糖醋，味道更佳，但我覺得唔點糖醋就咁食都好好味，入口脆卜卜，又爽又清甜，絕對是最佳的餐前開胃小食。
食完鹽水鴨，不如再試試另一款南京美食，那便是南京香肚，大廚持別用三分肥七分瘦的豬肉炮製而成，切肉後的香肚紅白相間，驟眼睇有點似香腸，但食落口沒有香腸的乾硬感覺，反而香嫩爽口，略帶甜味，配上用鹽、糖、香料調製而成的調味料效果更佳，是不錯的佐酒小食。
好多人都話河鮮的味道較海鮮更鮮甜，好似這道鹹肉河蚌煲便保留了河蚌的鮮味，較平日食到的蚌更加好味。為了能突出蚌的味道，大廚特別加上豆腐及鹹肉來吊出其鮮甜，炮製出來的蚌肉質仍然嫩滑，而我最欣賞便是煲內的上湯，清淡中帶點鹹肉味道，用來泡飯便最好不過。
綠茵酒家
地址：深圳市八卦三路701棟
電話：(86)75582260133