在鴻運地產工作近九年員工田國輝，對於公司結業，歎一句「市場無情！」他是田國強的弟弟，九四年進入鴻運工作，歷任天水圍、馬鞍山等地區分行主管，「睇住公司成長、壯大，然後盛極而衰，真係好唔開心。」
田國輝坦言，雖與田國強份屬兄弟，但從來只是以一個普通員工身份在公司工作，從無過問公司決策，「作為員工，覺得老闆到最後一秒唔做，已經算係撐到最後，再撐都無法起死回生；而作為親人，覺得大哥咁多年嚟包袱好大，到呢一秒先決定唔做，我個人係支持佢嘅決定，亦相信公司內冇人會反對。」
他說，其實過往一年，公司的生意每下愈況，以他任職經理的馬鞍山海栢分行為例，近三個月生意額減逾三成，而人手亦累積削減二至三成，整個環境已充滿危機感，「係整體市場嘅生存空間問題，兩大代理行嘅形成，令行業出現壟斷，中型代理喺市場上可謂唔湯唔水，行業嘅發展變得好唔健康。」他感慨公司在近幾年的經營境況，可用「柴火唔夠，燒唔得耐」去形容。
他慨歎九七年是代理業最風光的時代，作為分行主管，等閒月入十萬至二十萬元，現在的收入與當年有天壤之別，但在這個行業內工作多年，未來仍會繼續，只暫時未有新去向，亦未與大哥商量，對於行內兩間大行積極招手，甚至有代理表示考慮收購鴻運業務令員工留任，他表示「始終一朝天子一朝臣」。
本報記者