呢個世界最緊要係有錯就要認，尤其係打開門口做生意嘅人。八方講緊乜？咪係數碼港裏嘅byte餐廳囉！
唔知大家記唔記得，八方上個月同大家提過，呢間餐廳有「八十蚊一碗的雲吞麵」呢？查實呢單料亦有其他行家寫過，唔知係唔係有見於報道出街之後迴響太大，定抑或係冇乜客人食得起咁貴嘅雲吞麵，八方噚日應數碼港統籌專員馮程淑儀之邀入去byte食lunch嘅時候，意外地發現麵價竟然減咗一半，變咗四十蚊。餐牌上部份食物嘅價錢亦有所回落，好似麻婆豆腐就由一百一十蚊回落到六十蚊，整間餐廳亦都座無虛席。
八方特登叫咗一碗麵試吓，重影埋相畀大家睇，唔知大家認為呢碗麵究竟應該值幾多錢呢？
（圖）四十蚊一碗嘅雲吞麵，大家睇吓會唔會特別啲？
傳真︰2623-9278
電郵︰