車婉婉昨日以一身性感打扮，前往紅磡出席新書《婉婉星座雞湯》的發布會，並與出版社舉行簽約儀式，其師傅麥玲玲及好友苑琼丹亦有到場支持。
問車婉婉有否將書送給緋聞男友李兆文呢？她說：「冇送，係朋友就自己買。」那麼陳小春呢？車婉婉說：「佢睇書㗎咩？佢唔睇星座書，不過佢都應該自己買。」車婉婉自言一向低調，她說：「自己一向做人同感情處理都好低調，無論佢係唔係圈中人，輿論係一個壓力，都係低調啲，畀個空間佢成長。」
此外，在記者會期間，苑琼丹以塔羅牌占卜她今年的桃花運，結果得知苑仔今年有機會認識一個有錢又踏實的男士，苑仔聞言也不擔心男友靚仔哥呷醋，因為大家互相信任。