八方記得二千年立法會選舉嘅時候，政制事務局曾經提議將中醫加入醫學界功能組別，當時好多人反對，後來都因為中醫未有註冊制度而暫時擱置。
事隔多年，政府又再重提呢個建議，但係似乎依然唔受歡迎，政府諮詢過中醫西醫，兩邊都唔係好想結合，中醫希望有一個獨立嘅中醫界，西醫就想保持原狀。立法會政制事務委員會好多位議員噚日都話，與其未來出現界內衝突，不如唔好倉卒決定，唔爭在等到二○○七年政制檢討一次過傾。
民建聯葉國謙形容得最貼切：「一個唔願嫁，一個唔願娶，咁就唔好勉強嘞！」
（圖）葉國謙（左）：咁就唔好勉強嘞！
傳真︰2623-9278
電郵︰