《南華早報》噚日宣布，從澳洲嘅TheAustralian挖番位舊將DavidArmstrong回朝做集團總編輯，聽聞佢老哥雖然四月一日愚人節先至到位，但係上星期已經同一班現任高層食過飯，交交心。
呢位Armstrong先生舊時好似有個中文名叫做顏仕強，佢算得上係兩朝元老，九三年加入《南早》之後，曾服侍過梅鐸同郭孔演，九六年因私人理由返回悉尼，今次佢肯重返香港，相信都想有啲作為，聽講《南早》嘅同行都期望佢會帶來新局面。
《南早》自從回歸以來，出現嚴重定位問題，舊年更有大地震，高低層都受影響，其後又成立咗個四人高級編輯管理會，老總卻懸空，真係𢱑晒頭。
另外，積金局董事局噚日終於宣布，七月一日由營運總監陳唐芷青頂住個行政總監位一年，等許仕仁老爺可以功成身退，呢個消息其實八方都寫過吓，今次再恭喜老許羊年得償所願囉。
傳真︰2623-9278
電郵︰