人氣組合Twins昨日往紅磡都會商場，出席「Twins年年豐收喜迎春」活動，吸引二百多名fans到場。對於有指鍾欣桐（阿嬌）與余文樂齊到加拿大表演後，感情增進不少一事，阿嬌昨日說：「增乜鬼進呀？好無聊！成單嘢都唔關我事，拉埋我落水，啲報紙係咪冇新聞搵我嚟寫呀，擺我上枱。」
提到陳冠希近日似有意與她劃清界線，阿嬌則怒氣沖沖地說：「佢同余文樂嘅事，都唔關我事，我冤枉㗎！我冇嘢好講！」
此外，蔡卓妍（阿Sa）昨日與周麗淇於旺角為電影《下一站天后》宣傳時，她說：「我近排趕戲，前日拍拍吓嘢重暈低咗，嚇到啲工作人員死，好彩我夠後生，所以冇事。」問到阿Sa情人節可有收到禮物時，她說：「都係fans送嘅，不過我以前拍拖試過親手做個心形蛋糕畀男友，𠵱家諗起都好娘。」
採訪：王崇穎、何永寧
攝影：仇志德、陳慧安
