早前，亞Mark話過統籌全新勞斯萊斯在港事宜嘅PeterGoh，遲吓三月底會過檔仁孚行，及後經證實原來係BenzChina至啱。有口痕友話畀亞Mark知，Peter可能會專職嚟緊Maybach響中國嘅銷售業務；惟亞Mark所知佢會另有新任務噃！其次，聽聞Peter離職前，好想運嚟全新勞斯萊斯Phantom車系跟香港車迷見面，而新陳列室地點重經已落實咗，咪就係位處一班商賈富豪出入嘅香港會（HongKongClub）地下，斜對面重係一班香港高貴議員進出嘅立法會大樓㖭！響呢處開設勞斯萊斯嘅陳列室，你話賣車係咪事半功倍呢！
至於Peter響遲吓離職後，有關方面經已選定一位新舵手填補佢嘅位置；惟呢位車壇前輩出道於80年代，相信新一輩行內人士亦未必認識，究竟係邊位大家不妨拭目以待喇！