李嘉誠位紅顏知己周凱旋，原來對一啲新派音樂劇都好有興趣，好似近日進念二十面體同女歌星何韻詩，喺灣仔演藝學院嘅歌劇院演出音樂劇《戀人論語》，周凱旋都有畀面捧場。前晚七點半左右，周凱旋單拖出現演藝，唔見有任何保鑣陪同，咁啱周凱旋個老友施南生都有嚟捧場，佢哋兩個於是跟一班演員影番張大合照留念。
影完相之後，周凱旋由工作人員陪同入座，點知有成批記者追住旋姐，想話同佢傾番幾句，旋姐雖然一句說話都唔講，但就好有禮貌咁企定定畀記者影相，睇嚟心情都唔錯。八方估計，旋姐今個情人節應該都過得好愜意。
（圖）周凱旋（左二）去睇《戀人論語》，咁啱遇到老友施南生（左三）。
傳真︰2623-9278
電郵︰