曾與王菲合演日劇《大話姻緣》的日本演員中井貴一，最近與趙薇和姜文合演內地導演何平執導的古裝片《天地英雄》。前日中井在北京接受訪問時，對趙薇讚不絕口。
中井貴一說：「雖然我同趙薇嘅對手戲好少，但佢對我非常關照，令我喺新疆趕戲時感到好溫暖。我認為佢嘅美麗同開朗嘅性格，令佢有今日嘅成就，但𠵱家係佢突破嘅時候，決定佢可唔可以成為中國實力女星。」
中井有「日本周潤發」之稱，在訪問中他亦提到對發哥的看法，他說：「我認為自己同周潤發係完全唔同嘅演員，雖然我冇同佢合作過，但好佩服佢𠵱家嘅成就。喺美國重存在緊種族歧視，但周潤發非常努力，佢𠵱家嘅成就得來不易。」