理工大學最新選出嘅五位「傑出理大校友」，來頭唔細，其中包括全球首位踏足三極，即係南極、北極同「高極」──珠穆朗瑪峯嘅女探險家李樂詩。
咪以為李樂詩讀體育系，其實佢係讀商業設計畢業㗎，已經係二十九年前嘅事，當時理大重係叫做「香港工業專門學院」，李樂詩只係攞到張證書，但今時今日佢已經成為博士，重係中國科學院極地科學委員會顧問㖭呀！
另一位當選人係安永會計師事務所合夥人黃敬安，佢都好巴閉，今年佢做咗英國特許公認會計師公會會長，係第一個非歐洲人會長。
而其餘三位當選嘅傑出理大校友係：加拿大麥基法爾大學機械工程學系教授李克山教授、晶門科技有限公司總裁兼董事總經理梁廣偉、珠江恒晶房地產顧問有限公司董事總經理廖勝昌。恭喜晒！
傳真︰2623-9278
電郵︰