相伴九年愛犬血癌離世<br>阿梅情人節憶鬈毛強落寞

相伴九年愛犬血癌離世
阿梅情人節憶鬈毛強落寞

梅艷芳昨日到灣仔出席「動物捐血登記大行動」時,顯得鬱鬱不歡,原來相伴她多年的九歲愛犬「鬈毛強」,在情人節前因血癌離她而去。愛犬猝逝,阿梅形單影隻過情人節,倍感落寞。

梁詠琪(GiGi)昨日以香港保護遺棄動物協會大使身份,在灣仔出席「動物捐血登記大行動」,愛狗之人如海域集團主席葉劍波的太太傅明憲、梅艷芳、周麗淇及愛貓的王喜都到場支持活動。原本張栢芝亦答應出席活動,不過她前晚以身體抱恙為由缺席。

雙目失明多病
阿梅帶同愛犬「阿叻」到場,她心情不好,因為相伴她多年的九歲大曲架「鬈毛強」日前病逝,阿梅說:「我隻狗患咗血癌,因為唔想佢辛苦,所以依照醫生建議,打針畀佢走。」
阿梅傷感地說:「隻狗我由細湊到大,我當佢係人一樣,佢好活潑,之前有病已經做過手術,好過一排,但之後又病到唔郁得。佢本身都受咗好多苦難,兩隻眼都盲咗,如果唔係醫生話情況好差,連一啲希望都冇,我都會盡力去救佢。」

傅明憲出錢出力
而GiGi與傅明憲相當投契,傅明憲出名是狗癡,所以GiGi向對方請教養狗心得。傅明憲就今次活動出錢出力,她說:「我捐咗幾部狗語繙譯機畀大會,呢個係新產品,每部千幾蚊。」

梁詠琪不遺餘力推動愛護動物活動。

傅明憲捐了數部狗語繙譯機給香港保護遺棄動物協會。

周麗淇被小狗狂吻,十分狼狽。