林嘉欣前晚在中環禮賓府出席香港腎臟基金會的活動，被委任為「二○○三年愛心宣傳大使」，她又即場義賣鮮花，大受歡迎。
去年香港腎臟基金會邀請張栢芝做「愛心宣傳大使」，今年由林嘉欣接棒，她早前亦拍了本來由栢芝做代言人的護膚品廣告，林嘉欣說：「我唔覺得尷尬，都係做善事啫。我嘅嫲嫲之前喺加拿大都有腎病，我都陪佢進出醫院，所以呢次大會邀請我幫手，我就一於有錢出錢，有力出力。」
此外，曾參加星皓舉行的模特兒大賽中奪得「完美肌膚獎」的十七歲新人林清兒，前晚在中環蘭桂坊為某紅酒宣傳，她說：「我重未知會唔會簽星皓，𠵱家我係中五學生，得閒會做模特兒，我覺得着得咁性感都唔會影響學生形象。」
採訪、攝影：魯萍、馮美茵