八方噚日去參加醫管局嘅新春團拜，本來以為係普普通通一個酒會形式嘅活動，點知原來另有安排，就係「羊年行大運」，睇嚟醫管局唔放過任何一個機會去推廣健康生活噃。所有參加團拜嘅嘉賓，都要一齊圍繞醫管局大樓行一個大圈，全程大約二千幾步，都要行成十五分鐘㗎。五百幾人一步一步咁行，卒之夾夾埋埋，一共行咗超過一百一十七萬步！
醫管局話，有外國研究指，一個人每日行一萬步，就可以大大減低患上嚴重疾病嘅機會，以一個從事文職工作嘅人為例，原來日常起居時已經大約步行咗五、六千步，如果可以額外行多二十至三十分鐘，即約五千步，咁就可以做到「健康一萬步」啦！
﹙圖﹚企正中間嘅醫管局主席梁智鴻同立法會主席范徐麗泰，帶領隊伍圍繞醫管局大樓行一圈，宣傳健康步行大運。 陳倩雯攝
傳真︰2623-9278
電郵︰