愛情片之所以吸引，全因識得玩錯配，有錯配，感情先要受考驗，即係有劇情咁話，兩套趁今個中西情人節拍住上嘅中、西愛情喜劇，當然唔少得呢個元素，不過，就觀眾反應嚟講，似乎以劉天王同張栢芝主演嘅《老鼠愛上貓》較為高章！觀眾不但有期望，起碼未至於要好似睇完《貼身情人》咁要呻失望！
記者：陳淑君、尹珊珊、陳漢榮
兩難愛情故事
過往大部份有關包青天嘅電視劇都係以包拯做焦點，呢齣戲鮮有地集中喺本來係配角嘅展昭身上，重講佢嘅兩難愛情故事，究竟乖乖順從御婚定係揀令自己心動嘅情人──有錦毛鼠之稱的白玉堂呢？
情人節戲院直擊：
風流老闆正義下屬
風流大老闆佐治(曉格蘭特飾)因一項社區拆卸社區中心計劃，而僱用滿懷正義感嘅律師露絲(珊迪娜布洛飾)，兩人性格迥異，加上佐治事無大小對露絲日以繼夜勞役她，終於使她以兩星期辭職作要脅。露絲辭職後，二人才發現彼此生活不能缺少對方，佐治新歡如何主動獻媚也無補於事，究竟二人最終點收科呢？