《芝加哥》歌舞精采
怕睇愛情片會毛管戙的話，今日實在有不少選擇，要數夠派頭，不能不提剛剛獲奧斯卡13項提名的荷李活歌舞電影《芝加哥》，欣賞此戲最大的焦點，當然落喺三位主角嘅歌舞場面，睇吓年過半百、近年做戲表情動作已經好阿伯嘅李察基爾（RichardGere）點樣被調校得又跳又唱；被導演勁讚嘅雲妮絲惠嘉（ReneeZellweger），係咪真係唱得咁似已故黑人歌手BillieHoliday，傳聞佢嘅戲份獲得增加，可能係因為另一位女主角嘉芙蓮薛達鍾絲（CatherineZeta-Jones）在綵排時曾弄傷右大腿肌肉，縱使嘉芙蓮有芭蕾舞根底，一樣被雲妮絲搶晒風頭，重先拔頭籌攞咗金球獎最佳女主角（音樂喜劇類）！
合家歡歌舞晚會
這個「黃河兒女情綜合歌舞晚會」中，雲集多位國家一級表演者，同台演出曾獲獎的著名大型歌舞《黃河兒女情》、《黃河一方土》及《黃河水長流》中多項選段，集舞蹈、歌唱、鼓重奏及嗩吶吹奏等於一爐，場面熱鬧，負責表演的山西省歌舞劇院已曾應邀往奧地利、法、美、印尼、新加坡等地演出，絕對唔嘢少㗎！
演出地點：沙田大會堂演奏廳
時間：今晚上8時
剩餘門票：$130，$90
節目查詢：27349009