二十三條搞到滿城風雨，但呢幾日淨係見葉劉唱獨腳戲，律政司司長梁愛詩就話知佢，噚日重趁新十五，走咗去八和會館喺佐敦逸東酒店舉行嘅新春團拜。雖然話新正頭，詩姐依然一如既往深色套裝，加個心口針。對於粵劇，詩姐好坦白咁話本身冇點睇，「不過就好感激會館能夠提供娛樂畀班老人家。」所以專誠嚟支持吓，重逗留咗二十分鐘至走。
八和主席陳劍星梗唔放過呢個機會，即刻同詩姐反映吓粵劇界好關心嘅新光戲院結業問題，佢話如果新光閂門，會直接導致半數戲行人失業，希望政府關注吓。
﹙圖﹚好少睇粵劇嘅詩姐出席八和會館新春團拜，主席陳劍星（左）即刻捉住佢傾吓新光戲院結業問題。
傳真︰2623-9278
電郵︰