電盈旗下新樓盤貝沙灣前晚舉行情人節之夜宣傳活動，曾與寶Baby李國寶傳緋聞的廖碧欣單獨赴會，同場巧遇曾與她訂婚的建築師馮敬早，兩人再見亦是朋友，非常好傾。
電訊盈科為宣傳旗下新樓盤貝沙灣，前晚舉行推廣活動，同場加演本地時裝設計師馬偉明的fashionshow，電訊盈科基建主席李智康在場落力招呼賓客。前晚出席晚會的嘉賓包括鄧永鏘與未婚妻Lucy及兒子、羅麗莎、廖創興銀行家族成員廖碧欣，及曾與廖碧欣訂婚但婚事告吹的建築師馮敬早等。
廖碧欣與舊愛馮敬早同場出現，兩人表現大方，廖碧欣更預留坐位給馮敬早齊欣賞fashionshow，但馮敬早見在場有大批記者，並沒有即時坐下，只站在廖碧欣身旁聊天。
完show後，廖碧欣找來一對外籍朋友為她擋駕，準備離開。問廖碧欣情人節有甚麼節目？她說：「人哋嚟睇樓盤，好靚呀，李生（指李智康）好有心思，今晚咪同你哋過囉。」說罷即匆匆登上座駕。身為東亞銀行主席李國寶知己的廖碧欣，一向不乏裙下臣，似乎浪費了情人節這大好良辰。
而馮敬早則有問必答，他坦承已有女友，問他情人節如何度過？他說：「唔話畀你哋聽，費時你哋騷擾。」至於會否趁情人節求婚，他笑說：「唔會啦，條橋咁普通。」
問馮敬早是否與廖碧欣仍保持好友關係？他說：「我哋間唔中都有約出嚟食飯，話晒識咗咁多年。」問兩人傾談的話題會否圍繞感情？他說：「我哋乜都傾嘅。」那麼他會否給予對方意見？他說：「睇情形啦，不過我覺得一段感情最緊要係開心同健康。」
此外，鄧永鏘對情人節送花這個傳統有另一番見解，他說：「送花係middleclass做嘅嘢，我最鬼憎。浪漫係由個腦放電嘅，送花好俗，超人係唔會做呢啲嘢嘅。」問他會送甚麼「有class」的禮物給拍拖十三年的女友Lucy？他說：「會寫詩囉，內容全部喺個腦度。」
採訪：JessicaNgan、DebbieLum
攝影：ChenWaiOn
