在灣仔會展舉行的「第三十屆情人節婚紗及結婚用品展」昨日繼續上演多場婚紗show,演出的模特兒包括陳敏之、Rosemary及歐陽妙芝等。
早前陳敏之透露其父患上肺癌,她擔心得日漸消瘦,昨日再提此事時她仍滿面愁容,她說:「情人節都係陪屋企人,當咗爸爸係情人,好彩佢最近精神好番啲,𠵱家要爭取一分一秒陪佢。」
陳敏之續說:「𠵱家我嘅精神壓力真係好大,唔可以畀自己病,因為驚自己病會傳染畀爸爸,令佢有併發症。醫生話爸爸個病電療同化療都冇用,惟有畀靈芝爸爸食啦。」問她為何不向TVB請假照顧爸爸?她說:「好難㗎,我唔知爸爸個病會拖幾耐。」