【本報訊】「小姐，呢度係公立醫院，唔係你問乜都答到你㗎！」再有市民投訴公立醫院醫生態度惡劣。一名六十九歲老翁本月初在醫院住院期間，心臟突然停頓，經搶救後不治。病人女兒陸小姐投訴伊利沙伯醫院的三名醫生，未有向家屬交代父親死因，只說「唔知，冇紀錄」，欠缺專業操守。
死者陸慶潛，六十九歲，去年底因肚痛入住伊利沙伯醫院，即時進行手術，住院期間，病人一度中風，後來醫生指病人情況轉為穩定，將病人轉送到九龍醫院。
陸小姐指出，其父在九龍醫院住院期間，精神十分差，但該院醫生卻指病人的情況穩定，檢查後發現病人血壓及體溫均正常，毋須作進一步治理。但到了二月五日凌晨，病人心臟突然停頓，經搶救後終告不治，至今死因未明。
陸小姐又指一名伊利沙伯醫院的何醫生，曾指在病人心臟突然停頓後，即趕到醫院欲替病人急救，但趕到時病人已不治。陸小姐在其父死後亦即向醫生查問死因，但何醫生及另一名伊利沙伯醫院的姓陸醫生只表示：「唔知，冇紀錄！」多番追問下，有一名姓鄧醫生就以惡劣態度對待：「小姐，呢度係公立醫院，唔係你問乜都答到你㗎！」陸小姐直斥三名醫生不負責任，「我哋乜都唔識嚟問你，冇諗過醫生咁專業，竟然好似爛仔咁答我哋！」
陸小姐又指曾於日前向伊利沙伯醫院投訴，幾日後收到院方來電，指有另外兩名醫生想接見她，代鄧醫生向她道歉，令她感到醫院的處理手法很有問題。醫管局發言人表示，有關個案將轉交伊利沙伯醫院跟進。