俄羅斯同志組合Tatu，經常喺大庭廣眾做出接吻同摸胸嘅動作，hardsell佢哋嘅恩愛，不過我羅拉就一向唔係好信佢哋感情真係咁好。噚日英國重有消息傳出，話Tatu兩個阿女近日喺捷克忽然大打出手，Julia重打到Lena要入醫院㖭！
話說Tatu早兩日喺捷克做完騷返去間四星級酒店休息嗰陣，有人聽到佢兩個喺間房度大吵大鬧，又有人話因為Tatu近排不停接job，壓力太大之餘，大家重要每分每秒都對住，搞到心火盛所以互揪發洩喎！聽講佢兩個打打吓，短頭髮嘅Julia一腳伸埋Lena隻腳度，搞到Lena要即時入廠。
好彩Lena喺醫院包紮完之後就出得院，不過𠵱家行路重拐吓拐吓咁，都幾陰功㗎！唱片公司見Tatu𠵱家上緊位，梗係唔認佢兩個打交啦！夾硬話Lena今次整傷隻腳，係因為佢唔小心俾酒店道房門夾親，個藉口真係好鬼牽強囉！