政府公布《基本法》第二十三條草案，政府梗要搵「對手」大律師公會講數，但咁大件事竟然唔見咗新主席陳景生「芳蹤」，只係剩番班前主席同副主席何沛謙，咁陳主席去咗邊呢？
有位前主席同八方講，原來陳主席一早定咗呢幾日去外國度假，所以唔見影，呢位前主席重講笑話唔知係咪精通術數嘅佢一早「算」到呢兩日公布文件，早早離開。呢位前主席重話，佢哋個年代，真係做到死都唔可以放假，邊有陳景生咁歎，話走就走！不過佢話最大件事重係要副主席何沛謙頂上，原來佢最怕見記者，據講佢有次俾記者搞到好唔開心嘅經驗，之後見親記者就怕！
傳真︰2623-9278
電郵︰