賭王何鴻燊前晚往蘭桂坊出席《HongKongTatler》雜誌舉行的「MostRomanticCouple」頒獎禮。賭王透露每逢周五都往四姨太梁安琪家，所以昨晚情人節他與四姨太共度。賭王更借今年羊年，以「羊」字串成一套追女仔偉論。
社交雜誌《HongKongTatler》前晚於蘭桂坊MusicRoomLive舉行「MostRomanticCouple」頒獎禮。五對入選浪漫伴侶分別為許晉亨表弟郭永聰及女友李兆婷、馬會前主席李福深的兒子李國健及太太Tracy、名媛杜黃韋娘和前夫生的兒子王憲文及太太Pascale、東源大地老闆王嘉恩及太太Pauline，以及夏利里拉家族成員Reyna及丈夫Mahesh。
賭王何鴻燊前晚亦現身頒獎禮，他專程捧《HongKongTatler》老闆LinaRoss場。賭王甫見記者即說：「係咪想問我情人節去邊呢？」然後他大方透露會和四姨太梁安琪（Angela）同度情人節。
記者指賭王對另外三位太太不公平，賭王說：「佢哋好了解，聽晚（指昨晚）係Friday，多數係同Angela過嘅。」問賭王有甚麼追女仔絕招？他即發表了一段由「羊」字串成的追女偉論。
賭王說：「今年係羊年，後生仔要執正啲，着西裝要仿效我。羊年約女仔，梗係要去靜局嘅地方，好似『羊』腸小徑。如果驚嘅話，就飲兩杯壯吓膽，但唔好飲醉，醉咗就餓虎擒『羊』，嗰時個女仔大叫，就要搞到去差館。不過後生仔唔怕嘅，要再接再厲，亡『羊』補牢，最緊要唔怕失敗就得㗎啦。」
此外，前晚獲選為浪漫伴侶的五對名人中，只得郭永聰一對未婚，問二人怎樣慶祝情人節？郭永聰說：「我會唱歌畀女友聽。」
而王憲文與加拿大籍太太Pascale去年情人節結婚，其妻更已有三個月身孕。問王憲文太太照了超聲波沒有？他說：「重未照，不過我就想佢生仔，大個可以同我一齊踢足球。但係太太就希望生女，同佢扮靚。」
