民政事務局同民政事務總署噚日喺荷里活廣場搞咗個「社區教育計劃共融慶新春」，希望促進香港人接納新移民同少數族裔。
開幕後，一班着住和服嘅小朋友同班高官排排企等影相。有個貪靚嘅小妹妹好識搶鏡，一企就企喺何志平局長前面，點知個髮簪鬆咗，何局長好心幫佢插番（圖），但係小妹妹唔領情掹番出嚟，唔通局長手勢唔好？
在場十個攤位每個都由民政事務總署贊助二千蚊，其中四個攤位免費派發地道食品，但好多市民都係食完就走。有個伯伯排咗兩次隊攞餃子，佢話唔知個活動做乜：「肚餓咪攞嚟食囉。」
劉耀輝攝
傳真︰2623-9278
電郵︰