阿月的丈夫去年意外身亡，昔日滿載溫馨片段的家，如今每個角落都是痛苦的回憶。近日，阿月孤寡五口獲房屋署恩恤調遷，終可遷出傷心地，奈何一筆搬遷費卻令她憂愁不已。
在剛過去的農曆新年，正當萬家共慶團圓之際，卻是阿月喪夫後首個獨自度過的春節，更要為搬家一事忙得頭昏腦脹。
「我年廿七搬過嚟呢度，好彩得我先生以前幾個朋友幫手搬嘢，慳番唔少錢，不過好多雜費要畀，重有舊屋嗰度，房署又話要我還原番以前最初搬入去嗰時咁樣，嗰度又唔知要幾多錢，我都未得閒整。」四十歲的阿月邊說邊打開盒賀年食品給記者吃，惟記者卻見全盒內只剩寥寥數顆瓜子及油角，阿月坦言：「今年過年只係買咗半磅糖同埋十幾蚊瓜子，油角都係人哋畀嘅。」
阿月所以弄得如斯田地，源於去年九月的一次意外。阿月的四十六歲丈夫陳熾強，以往從事裝修行業，數年前轉往有線電視任職獨立外判安裝工人，去年九月中，他在替一名客戶安裝解碼器時，不慎觸電身亡，遺下孤寡五口，兩子兩女年齡只得二至十七歲。
「佢好肯幫人，好抵得諗，成日幫街坊整嘢，所以佢過身嗰時，多得一班街坊籌啲帛金幫我搞掂佢嘅身後事。」阿月說。
丈夫猝逝，陳家上下一時難以接受噩耗，經常受着觸景傷情之苦，別說阿月每晚睡不安枕，就連年僅兩歲的么子亦會每日定時定候守在家門前等候父親回來，等着替他拿衣服放進洗衣機……以上種種都為五口帶來無形的精神壓力。阿月遂向房屋署申請同邨調遷，近日獲批。然而，現時社會福利署只會向傷殘人士及長者發放搬遷津貼，阿月這類單親家庭需要自行解決問題。
「住番同區起碼仔女唔使轉校，慳番筆錢，又有班街坊照應吓，不過搬電話線、煮食爐安裝費都唔少錢，煤氣熱水爐都要分十期畀錢，𠵱家每個月生活費只係繃繃緊，都唔知點算好。」阿月苦惱地說。
蘋果日報慈善基金有見阿月的境況，即時撥款五千元，助她應付搬遷各項按金及雜費開支。
捐款編號：C0830
暖流熱線
電話：29908688
傳真：23702192
電郵：
網址：
