家陣愈來愈多人對運程好有興趣，有飾物店就乘勢設計一系列稱聲能趨吉避凶嘅銀飾，其中呢款十字架鏈墜就最搞鬼，十字架嘅左、右同下面分別可以鑲上刻有唔同時辰嘅螺絲，而每個時辰都由古字寫成，只要由十二個時辰中揀出三個配合自己生肖便組成六合神數，佩戴起就可以增加戀愛運，每個?480。即日起至16號購買情侶飾物，第二隻更可獲六折優惠（優惠價以低價一隻為準）。
電話：(86)75525182583
地址：深圳市羅湖區人民南路佳寧娜友誼廣場1樓36店
同女朋友食燭光晚餐又點少得一個靚靚蠟燭台？呢兩款蠟燭台都係由歐洲設計師設計，並由人手製造，而且每款得幾個，都咪話唔矜貴，鍾意花巧的話可以揀白色雕花陶瓷款式，點起蠟燭充滿浪漫氣氛，另一款以銅製成，款式簡約典雅，好有中古味，兩款各有特色，實有一款啱佢心水！各售?180。
電話：(86)75525941003
地址：深圳市深南中路1095號中信城市廣場下層48號
覺得情侶戒指無新意，可以考慮呢款叫蝴蝶情緣嘅情侶手鐲，純銀部份有一隻設計簡單嘅蝴碟，配上顏色鮮豔嘅膠帶，款式Casual得來又夠大方，蝴蝶圖案是要傳達一種情緣，同時亦代表着對愛情的忠貞不渝同永恒，每款有兩種顏色選擇，每隻?150，一對特價?288。
地址：深圳市深南中路095號中信城市廣場下層L86號