張栢芝日前以性感魚網裝出席新片《老鼠愛上貓》的首映，黃秋生當時不停昅實栢芝。前晚栢芝以密實裝束出席《老》片欣賞會，秋生的視線亦經常停留在栢芝身上，劉德華即揶揄秋生少見世面。
電影《老鼠愛上貓》前晚在已結業的美麗華戲院，舉行情人節之夜電影欣賞會，主角劉德華、張栢芝、黃秋生及張達明均有出席。
本周一眾演員出席首映時，秋生當眾昅實衣着性感的栢芝，前晚欣賞會上，栢芝改穿密實的西裝，與劉德華齊以情侶帽出場，華仔則以一身HipHop打扮赴會。
問栢芝與兩位影帝合作有何感覺？她說：「我學咗好多嘢，佢哋係滿分嘅好好男人，兩個都係正人君子。」當栢芝大讚華仔與秋生時，華仔即指着遠遠站在台側的秋生。問秋生是否刻意與栢芝保持距離？他笑說：「今日我都有由頭昅佢一次，重讚佢今日着得莊重又得體。」
問華仔為何栢芝前晚以密實look示人？華仔笑說：「佢嗰日性感之後，感冒到𠵱家，又發燒。其實嗰日我都有份昅啦，佢着得咁性感。有時喺街度見到啲好身材嘅女仔，都會望多幾眼，呢啲係人之常情，可能秋生見得世面少啦。」
栢芝透過中國星的李小姐表示，她在情人節會一個人度過，至於有指秋生日前昅她，李小姐傳述栢芝回應：「秋生喺我心目中永遠係好尊敬嘅長輩，佢係正人君子，至於欣賞會嗰晚着西裝係因為唔舒服。」
此外，華仔日前接受韓國報章訪問時表示，很渴望與韓國球星安貞煥合作演出電影。
採訪：陳梅香 攝影：林德雄
