以往品牌上位要靠明星效應；如今你隻牌子要Hip要Trend，則靠型舖效應。經典例子莫如東洋潮流舖HECTIC，獨家販賣的NB、PUMA均成為潮流鞋；然而老外亦唔執輸，美國L.A.有間潮流舖叫Undefeated，出咗對限量潑墨版DunkLow，即時炒過港幣$2,000！
然而Jb是何方神聖玩邊科？Jb02年出世，03火速上位！又是食正改裝熱，頭炮玩限量「科時I」、DunkLow加埋adi對「超級星」！Jb更巴閉係Undefeated同TRUE均睇好佢，在其型舖獨家發售！重有，今個2月份，Jb波鞋更會喺美國Soho區搞展覽；氣勢異常強勁！而我哋香港型舖「沙塵仔」（DUSTY）一樣有Jb賣，講潮流，唔係鬼佬惡晒嘅！
記者：陳嘉文 攝影：伍慶泉、陳偉強
逢星期一至五刊出
難得Jason首趟訪港，小弟當然唔放過要佢即場示範嘅機會啦！
果真夠天馬行空！問嚟緊Jb新鞋會有乜新設計？Jason二話不說即揮筆畫畫畫……畫完後，Jason笑笑口講：「呢兩對未必會出製成品，純是天馬行空亂咁畫！」亂畫都有板有眼，犀利！
二十幾歲的JasonBass，Jb波鞋的創作大腦，美國東岸人，現紮根於SanFrancisco。能得到L.A.的Undefeated與三藩市的TRUE賞識，JasonBass當然非泛泛之輩；成立Jb之前，Jason亦是從事創作，於VideoProductionHouse工作，範疇包括短片錄像、製作動畫、平面設計等等……02年才成立的JbSneakers，其設計概念正如JasonBass所言，波鞋就是一張畫紙。「限量製作的GraphicHandmadeSneakers是潮流大趨勢，此作法讓創作人天馬行空的概念放諸於波鞋上。也由於每對鞋均是Handmade關係，故大量生產是不可能的，且LimitedEdition與獨立精神反而是我的宗旨，毋須要每間波鞋舖均有我的產品，一間合適店舖反為更重要。」鬍鬚佬JasonBass如是說。
稱得上潮流界上位Sneakers，大玩噱頭的Crossover搞作又點少得！速睇！
珠玉在前，玩改裝經典波鞋始終讓人有「執二攤」之感；想出位，用料、手工一定要靚過Original，而Jb真係做得到──每對鞋都係HandmadeQualityShoes。此外，食腦的Jason深明潮流興玩以城市為名的特別版波鞋，前科例子首推Nike與adi，玩親呢科一定好賣又好炒！
DUSTY（28382841）
銅鑼灣駱克道516號一樓