由本報舉辦的「偶像齊齊玩」，日前請來書法了得的羅嘉良（撈家）與fans齊齊寫大字，充當書法老師的撈家表示讀書時因為唔服輸而苦練書法，而他更覺得寫大字就如練氣功般，可以強身健體。
由本報舉辦的「偶像齊齊玩」，日前請來羅嘉良與本報讀者齊齊寫大字，撈家更充當書法老師教fans執筆方法及坐姿，技巧純熟，撈家表示他在小四時因不服輸苦練書法，在一年多時間的自發性學習下，年紀小小的他已取得全校冠軍。
撈家說：「其實我好鍾意藝術，喺小學四年級因為同班同學都寫得一手好字，我唔服氣，所以決定學書法，自己攞字帖學寫，嗰時嘅中文老師都好支持我。但係到𠵱家已經有二十年冇寫啦，今次有機會練習吓都好開心！」
在簡短的自我介紹後，撈家便開始向fans正式「授課」，只見撈家細心地教fans寫書法時的執筆方法、紙張的擺法及坐姿，而fans亦隨即將學到的技巧，把撈家演過的劇集名寫在紙上。
撈家說：「我覺得好開心，啲fans亦都好有心機。其實寫毛筆係可以強身健體，寫嘅時候就好似練氣功咁，好健康。」而當練習完畢後，撈家便開始表演寫揮春，剛勁的筆鋒令fans齊聲鼓掌，好不熱鬧。
採訪：羅慧敏
攝影：仇志中
