現正全身投入拍攝長篇古裝日劇《武藏》的女星米倉涼子，早前被傳與二十五歲、飾演武藏的拍檔市川新之助戲假情真。前日新之助被揭發原來有一名一歲的私生女，米倉即時與他劃清界線，表示自己也嚇了一跳，更強調二人一直只是普通朋友。
其實自《武》劇開拍以來，米倉與新之助便被指在片場內異常好傾，去年十一月更有雜誌指二人相約拍拖購物，但他們從未開聲否認緋聞。
前日雜誌《女性Seven》大爆新之助與結識八年的二十九歲女歌手A小姐，於去年秘密產下一名私生女，新之助被迫於前晚深夜招開記者會承認報道屬實。
米倉前晚盛裝出席一電影首映禮時，刻意以局外人姿態談起緋聞男友的醜聞說：「好驚訝！我都有睇過篇報道，不過呢幾日我冇見過佢，唔知佢心情點，但係我覺得𠵱家拍《武藏》好忙，爆單咁嘅嘢出嚟佢好可憐！」記者追問二人是否正在蜜運中時，米倉即說：「等等！乜𠵱家傳緊我哋拍拖咩？冇錯我哋有一齊出街食飯，但只係朋友關係。」
而前晚遭過百名記者包圍的新之助，坦承A小姐懷孕產女他完全知情，但強調二人在女兒出世後已分手，但他仍有付撫養費照顧女兒。