喺民政局一個新春酒會上，八方見到保安局署理常秘湯顯明帶住個後生仔滿場飛，重好熱心咁介紹佢畀人識，大家重以為保安局嚟咗位新同事，不過聽清楚湯常秘介紹，佢原來係近期最賣座港產片《無間道》出品人莊澄。
八方奇怪佢兩個點相識呢，原來大家都係中大畢業生。莊澄話自己讀書時個名叫做莊冠男，出嚟做嘢改咗個名，佢八○年中大哲學系畢業，喺無綫、金公主同StarTV做過，之後同幾個老友搞寰亞綜藝集團，立法會議員馬逢國都係founder之一。
由於莊澄係康樂文化事務處嘅電影顧問，所以應何志平邀請去酒會，咁啱湯顯明又去，所以約埋一齊順便聚吓。
（圖）湯顯明（右）同莊澄份屬師兄弟，所以齊去酒會。
傳真︰2623-9278
電郵︰