由財經雜誌《Benchmark》舉辦嘅卓越基金大獎噚日頒獎，表揚一啲去年表現最佳嘅股票基金。投資大中華地區最掂嘅，由不見經傳嘅怡啓投資管理奪得，全年回報率高達百分之三十七，比起市場平均跌一成一好得多。
若以基金過去三年及五年成績衡量嘅持續良好大獎計，惠理成績就最好，其實佢哋去年回報率亦有兩成。至於得獎最多嘅基金公司為美林，佢哋喺商品及能源股票、環球股票同北美股票等基金都有出色表現，共奪七個獎。
八方噚日喺發布會上碰上星島集團前主席張定遠，原來佢舊年六月收購咗《Benchmark》。佢話𠵱家主力拓展具有特色嘅雜誌業務，除咗《Benchmark》，重有旅遊資訊雜誌《CityLife》，以及喺深圳合作經營一本生活休閒雜誌。佢話辦報太辛苦，香港已經有十二份日報，除非減少四分三，否則都冇興趣再搞報紙。
（圖）星島集團前主席張定遠（左）𠵱家主力搞雜誌。
傳真︰2623-9278
電郵︰