位於尖沙嘴的Cyber8Disco前晚舉行時裝表演，請來名模Rosemary及康華出任表演嘉賓行show。Rosemary甫出場，即引起在坐男士瘋狂歡呼，風頭盡蓋康華。而完場前Rosemary一個半蹲半坐的動作，險些春光乍洩。
前晚於尖沙嘴Cyber8Disco舉行的時裝表演，請來二十八位新秀模特兒示範新裝，名模Rosemary及康華則出任特別表演嘉賓。
Rosemary在凌晨一時多才出場，她以性感的白色tubetop配襯超短裙，甫出場便引起哄動，不少男士瘋狂歡呼，風頭盡蓋身穿性感小背心的康華。而臨完場前，二人在幾名男模特兒簇擁下坐下，其中Rosemary一個半蹲半坐的動作，險些春光乍洩。
完場後Rosemary一臉倦容，她說：「好攰，因為我今日（即前日）由朝早九點開始，做嘢做到𠵱家，呢個已經係第四單job。」問她在深夜的士高最多顧客的時候行show感覺如何？她說：「好好玩，因為我平時飲嘢都係去bar，第一次嚟呢間disco好有新鮮感。」
對於剛才廣受現場男士歡呼，可擔心有熱情男士衝上台？Rosemary說：「都唔會怕，因為有好多保鑣喺側邊。不過我都有fans㗎，早排我去supermarket買嘢，就撞到幾個十二、三歲嘅男仔，佢哋見到我好開心，重叫我喺佢哋件tee上面簽名，其中一個重問我可唔可以攬吓我，我見佢咁天真，都冇所謂。」
